Plantun de Prouvènço

Pèr coumpara dos planto d'encò nostre

Bifora testiculata & Barbilophozia lycopodioides

Bifora testiculata

Apiaceae Umbelliferae

Nom en français : Bifora à testicules.

Descripcioun :
L'anis-pudènt-à-roubignòli es uno planto devengudo raro que se pòu trouba encaro dins li champ de cerealo cultiva à l'anciano. Se recounèis à soun óudour forto que rapello lou couriandre fres, si fueio descoupado e subretout si fru que dounon d'èr à de roubignòli o s'amas mies d'alibòfi o ..., ço que se vèi deja souto li flour.

Usanço :
Pèr d'ùni, pudis que noun sai, mai à nautre es uno óudour que nous agrado. Pamens sabèn pas s'èi poussible de se n'en servi coume lou couriandre. Escriéure au site s'avès d'entresigne.

Port : Erbo
Taio : 20 à 40(60) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Bifora
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 600 m
Aparado : Noun
Remarco : Champ de cerealo

Liò : Champ - Meissoun
Estànci : Mesoumediterran
Couroulougi : Pancaro entresigna
Ref. sc. : Bifora testiculata (L.) Spreng., 1820

Barbiho-de-la-grando

Barbilophozia lycopodioides

Anastrophyllaceae

Nom en français : Grande barbille.

Descripcioun :
Aquesto grando barbiho crespudo trachis sus li roucas séusous de mountagno dins li relarg fres. Fai ges de gemo, mai i'a d'amfigastre. Se recounèis à si fueio subsimetrico di tres à quatre lobe sus de ramo de tipe Frullania e acabado pèr de benc (fotò). Se vèi peréu de ciho à la baso de la fueio (fotò). Li celulo caupon de 3 à 10 ouleoucors. La planto èi marcado sus listo roujo categourìo LC valènt à dire soucit minour.

Usanço :
Es poussible de s'engana emé d'àutri epatico dóu meme gènre (coume B. hatcheri) o emé : Trilophozia quinquedentata, Saccobasis polita...